Պուտինին կարատեի 8-րդ դան է շնորհվել
Կեկուսին-կան կարատե-դո միջազգային կազմակերպության միջազգային կոմիտեն ՌԴ նախագահ Վլադիմիր Պուտինին շնորհել է ութերորդ դան,- հաղորդում է lenta.ru-ն: Ինչպես հայտնել են կազմակերպությունից, պաշտոնական նամակն ուղարկվել է Կեկուսին-կան միջազգային կազմակերպության նախագահ Խացուո Ռոյամայի կողմից:
Ճապոնիայի չեմպիոն Ռոյաման բազմիցս եղել է Մոսկվայում: 2001 թ. Ռոյաման Վլադիմիր Պուտինին շնորհել է Կեկուսին-կանի հինգերորդ դան, 2009 թվականին`յոթերորդ դան: Հինգ տարի անց Պուտինին շնորհվել է վարպետության ևս մեկ աստիճան:
Կարատեի Ճապոնիայի վարպետների՝ Պուտինի հանդեպ նման ուշադրությունը պատահական չէ: Պուտինն անձամբ է զբաղվում արևելյան մարտարվեստով եւ ամեն ինչ անում է դրանց տարածման համար: ՌԴ նախագահը սամբոյով ու ձյուդոյով զբաղվել է 11 տարեկանից: Նա սպորտի վարպետ է, 2006 թ.-ին դարձել է ձյուդոյի Եվրոպական Միության պատվավոր նախագահ:
