ԳԱԼԱ news. 08 մայիսի
Առաջարկում ենք դիտել ԳԱԼԱ news-ի այսօրվա գլխավոր թողարկումը:
♦Կադրային փոփոխություններ եւ նոր նշանակումներ: Տեղի է ունեցել կառավարության նիստ: Վարչապետ Հովիկ Աբրահամյանը հանդես է եկել հայտարարությամբ:
♦Հանդիպման պահանջ՝ ուղղված նորանշանակ վարչապետին: Կառավարության նիստն ուղեկցվել է բողոքի ակցիայով:
♦22 տարի առաջ մայիսի 8-ին Շուշիի ազատագրմամբ ռազմական բացառիկ սխրանք գործեցին հայ ազատամարտիկները: Շուշիի ազատագրման, Արցախյան պատերազմի և այդ տարիներին առկա խնդիրների մասին խոսել է Շուշիի առանձնակի գումարտակի նախկին հրամանատար Ժիրայր Սեֆիլյանը:
♦Վերհուշ եւ ափսոսանք արժանի գնահատական չստանալու համար։ Ազատամարտիկների պատմությունները մարտադաշտից ու գնահատականները հայոց բանակի այսօրվա պատրաստվածությանը։
♦Հարգանքի տուրք Եռաբլուրում: Եռաբլուր են այցելել կառավարության ղեկավար Հովիկ Աբրահամյանը, պաշտպանության նախարար Սեյրան Օհանյանն ու ԵԿՄ անդամները՝ ԵԿՄ նախագահ Մանվել Գրիգորյանի ղեկավարությամբ:
♦Հայ ազգի ճակատագիրը որոշում է հայ ժողովուրդը, սահմանին կանգնած զինվորը, ուրիշ ոչ մեկն իրավունք չունի մեր երկրին որեւէ բան թելադրելու: Շիրակցի ազատամարտիկների արձագանքը, ԵԱՀԿ Մինսկի խմբի համանախագահի հայտարարությանը՝ Ադրբեջանին տարածքներ հանձնելու կապակցությամբ, բավականին կոշտ է:
