Նորություններ

2018 թվականին սպանվել է մոտ 100 լրագրող. Հարյուրավորները բանտարկված են

Ազատ մամուլը էապես կարևոր է խաղաղության, արդարության, կայուն զարգացման և մարդու իրավունքների համար:

Որևէ ժողովրդավարություն չի կարող ամբողջական լինել առանց թափանցիկ և վստահելի տեղեկատվության: Վերջինս արդար և անկողմնակալ հաստատություններ կառուցելու անկյունաքարն է, քանի որ հաշվետու է պահում առաջնորդներին և հնարավորություն տալիս ճշմարտությունը բարձրաձայնել իշխանություններին։

Սա հատկապես ճշմարիտ է ընտրությունների շրջանում, ինչն էլ այս տարվա Մամուլի ազատության համաշխարհային օրվա շեշտադրումն է։

Փաստերը, ոչ թե կեղծիքները, պետք է ուղղորդեն մարդկանց իրենց ներկայացուցիչներին ընտրելիս:

Չնայած տեխնոլոգիան վերափոխել է այն միջոցները, որով ստանում և կիսում ենք տեղեկատվությունը, երբեմն այն օգտագործվում է հասարակության կարծիքն աղավաղելու կամ բռնություն և ատելություն բորբոքելու համար։

Քաղաքացիական ակտիվությունն ամբողջ աշխարհում տագնապալիորեն կրճատվել է:

Իսկ մամուլի դեմ հռետորաբանության աճի պայմաններում, ավելանում է նաև լրագրողների, այդ թվում՝ կանանց հանդեպ բռնությունն ու ոտնձգությունը:

Ես խորապես մտահոգված եմ ավելացող հարձակումների և անպատժելիության առիթով:

ՅՈՒՆԵՍԿՕ-ի տվյալներով՝ 2018 թվականին սպանվել է մոտ 100 լրագրող:

Հարյուրավորները բանտարկված են:

Երբ թիրախավորվում են ԶԼՄ-ների աշխատողները, տուժում են ամբողջական հասարակություններ։

Մամուլի ազատության համաշխարհային օրվա առթիվ կոչ եմ անում բոլորին պաշտպանել լրագրողների իրավունքները, ովքեր ջանում են օգնել մեզ կառուցելու ավելի լավ աշխարհ։

Շնորհակալություն։

Ավելին
Back to top button
Close