ՆորություններՕՐԱԿԱՐԳՈՒՄ

«Մի գիծ, որից ընդամենը մեկ սանտիմետր այս կողմ զգում ես ինչպես տանը»

Սահմանն ամենախորհրդավոր երևույթներից մեկն է. ընդամենը մի գիծ, որից թեկուզ մեկ մետր այն կողմ զգում ես տնից հեռու և որից ընդամենը մեկ սանտիմետր այս կողմ զգում ես ինչպես տանը: Ահա այսպես վարչապետ Նիկոլ Փաշինյանը շնորհավորեց ԱԱԾ սահմանապահ զորքերին: Ապրիլի 26-ը Հայաստանում սահմանապահ զորքերի օրն է:

Մասնագիտական տոնի առթիվ Ազգային անվտանգության տնօրեն Արթուր Վանեցյանն էլ նշեց՝ մեր հայրենիքի սահմանները սրբազան են, և այս սահմանների պաշտպանությունը Հայաստանի Հանրապետության և նրա բոլոր քաղաքացիների պարտականությունն է, իսկ այդ կարևոր առաքելության առաջին գծում սահմանապահ զորքն է:

Այնուհետև ԱԱԾ սահմանապահ զորքերի զինծառայողներն անցան տոնական շքերթով և հանդես եկան ցուցադրական հնարքներով: Վարչապետ Փաշինյանն Արթուր Վանեցյանի ուղեկցությամբ այցելեց սահմանապահ զորքերի վարչական շենք, ծանոթացավ տեխնիկական հագեցվածությանը, ուսումնական կենտրոնի գործունեությանը:

Back to top button