ՆորություններՍպորտ
Սպորտային քաղաքացիության փոփոխության հարցում առայժմ հստակություն չկա. Հովհաննիսյան
«Օրենբուրգի» կիսապաշտպան Ստեփան Հովհաննիսյանը խոսել է սպորտային քաղաքացիության հնարավոր փոփոխության մասին:
«Սպորտային քաղաքացիության փոփոխության հարցում առայժմ հստակություն չկա։ Ես շփվել եմ Հայաստանի ֆուտբոլի ֆեդերացիայի հետ, բայց հիմա այդ մասին չեմ մտածում։ Հիմա արձակուրդում եմ, հանգստանում եմ, պատրաստվում եմ հաջորդ մրցաշրջանին»,- Հովհաննիսյանի խոսքն է մեջբերում «РБ Спорт»։
ՌՊԼ-ի 2022/23 թթ․ մրցաշրջանում Ստեփան Հովհաննիսյանը «Օրենբուրգի» կազմում անցկացրել է 20 հանդիպում, դարձել 2 գոլի և 1 գոլային փոխանցման հեղինակ։
