Ռուս բլոգեր-լրագրողի մուտքը Թուրքիա արգելվել է

Ռուս բլոգեր Իրինա Ալեմանին թույլ չեն տվել մուտք գործել Թուրքիա ՝ հինգ տարով: Որպես պատճառ առաջ է քաշվել այն հանգամանքը, որ բլոգերը վտանգ է ներկայացնում Թուրքիայի ազգային անվտանգության համար:

Բլոգերը հայտնել է, որ Ստամբուլի օդանավակայանից նրան տարել են ոստիկանական բաժանմունք և հարցաքննել։

Թուրքական իշխանությունների այս որոշումը Իրինա Ալեմանը կապում է Թուրքիայի նախագահական ընտրությունների վերաբերյալ իր նախկին ռեպորտաժի հետ, որտեղ նա քննադատել էր Թուրքիայի վերընտրված նախագահ Ռեջեփ Թայիփ Էրդողանին։

Մայիսի 25-ին Ռուսաստանում նրան ճանաչել էին «օտարերկրյա գործակալ»: