Նորություններ
ՌԴ խաղաղապահները Ստեփանակերտ են տեղափոխել 291,5 տոննա մարդասիրական օգնություն
ՌԴ խաղաղապահ զորախումբը շարունակում է առաջադրանքներ իրականացնել Լեռնային Ղարաբաղի տարածքում, տեղեկանում ենք ՌԴ ՊՆ տեղեկագրից։
«Երեսուն դիտակետերում ռուս խաղաղապահները շուրջօրյա վերահսկում են իրավիճակը և հրադադարի ռեժիմի պահպանումը։ Վերջին 24 ժամվա ընթացքում հրադադարի ռեժիմի խախտումներ չեն արձանագրվել։
Մարտակերտի, Մարտունու և Շուշիի շրջաններում պարեկություն է իրականացվել երեք երթուղիներով։
ՌԴ խաղաղապահները Ստեփանակերտ են տեղափոխել 291,5 տոննա մարդասիրական օգնություն»,-ասված է հաղորդագրության մեջ։
