Ամբողջ Ուկրաինայում օդային տագնապ է հայտարարվել ռուսական հրթիռակրի թռիչքի պատճառով

Ուկրաինայում օդային տագնապ է հայտարարվել: Ուկրաինայի թվային փոխակերպման նախարարության առցանց քարտեզի տվյալների համաձայն՝ դա կապված է Բելառուսում ռուսական ՄիԳ-31Կ հրթիռակիր ինքնաթիռի թռիչքի հետ, որը կարող է կրել «Կինժալ» տիպի հրթիռներ:

Համաձայն առցանց քարտեզի՝ տագնապը հայտարարվել է ժամը 11:07-ին՝ Կիևում, մի քանի րոպե անց՝ ամբողջ երկրում։

Ուկրաինական լրատվամիջոցների տեղեկացմամբ՝ Լվովի մարզը հարձակման է ենթարկվել «Շահեդ-136» տիպի կամիկաձե անօդաչու սարքերով։