Լյուքսեմբուրգի Ինտերպոլի կողմից հետախուզվող Բելառուսի քաղաքացին հայտնաբերվել է «Զվարթնոց»-ում
Ոստիկանության «Զվարթնոց» օդանավակայանի գծային բաժնի քրեական հետախույզների ձեռնարկած օպերատիվ-հետախուզական միջոցառումների շնորհիվ հունվարի 8-ին Մոսկվա-Երևան չվերթի ինքնաթիռի ժամանումից հետո օդանավակայանում հայտնաբերվել, ձերբակալվել և գծային բաժին է տարվել Բելառուսի Հանրապետության քաղաքացի Ալեքսեյ Գ.-ն: Նա 2022 թ. դեկտեմբերի 22-ից Լյուքսեմբուրգի Ինտերպոլի կողմից հետախուզվում էր գողությունների և հանցավոր խմբավորմանն անդամակցելու մեղադրանքով:
Խափանման միջոցը՝ կալանք:
Հայտնաբերման մասին հայտնվել է ՀՀ-ում Ինտերպոլի ԱԿԲ և դատախազությանը:
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:
