Նորություններ
Արտառոց դեպք ՀՀ ՔԿ տարածքային քննչական բաժիններից մեկում. ավագ քննիչը հափշտակել է Samsung A10 տեսակի բջջային հեռախոս
27.12.2022 | 23:05
Կարդալու տևողությունը՝ մինչև 1 րոպե
SHAMSHYAN.com-ի տեղեկություններով՝ օրեր առաջ ՀՀ ազգային անվտանգության ծառայության քննչական դեպարտամենտում ՀՀ քր.օր-ի 254 հոդվածի 2-րդ մասի 2-րդ կետի հատկանիշներով քրեական վարույթ է նախաձեռնվել Հայաստանի քննչական կոմիտեի Երևան քաղաքի քննչական վարչության տարածքային քննչական բաժիններից մեկի ավագ քննիչ Ս. Պ-ի նկատմամբ։
Ինչպես հայտնում է ֆոտոլրագրող Գագիկ Շամշյանը, ԱԱԾ-ում օպերատիվ տեղեկություններ են ստացվել, որ ավագ քննիչը գաղտնի հափշտակել է քրեական վարույթով կատարված խուզարկությամբ իր կողմից հայտնաբերված և առգրավված, քաղաքացու Samsung A10 տեսակի բջջային հեռախոսը։
Գ. Շամշյանի տեղեկություններով՝ ավագ քննիչը, մինչ այդ, աշխատել է Երևան քաղաքի քննչական վարչության տարածքային քննչական բաժիններից մեկում՝ որպես պետ և նա, ըստ տեղեկությունների, ձերբակալված է։
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով։
27.12.2022 | 23:05
Կարդալու տևողությունը՝ մինչև 1 րոպե
