ՄիջազգայինՆորություններ
ԱՄՆ-ում ձնաբքի պատճառով ավելի քան 60 մարդ է զոհվել
ԱՄՆ-ում ձնաբքի զոհերի թիվը հասել է 63-ի։ Այս մասին հայտնում է NBC հեռուստաալիքը:
Երկրի հյուսիս-արևելքում և արևմուտքում արձանագրված տարերային աղետն անվանել են «դարի մրրիկ»:
Զոհերի ընդհանուր թվի կեսից ավելին մահացել է Նյու Յորքի Էրի օկրուգում։ Այնտեղ գտնվող Բուֆալո քաղաքն իր վրա է վերցրել տարերքի ամենաուժեղ հարվածներից մեկը։ WIVB հեռուստաալիքը հայտնում է, որ քաղաքում թալանի դեպքեր են գրանցվում։
Մահվան դեպքեր են գրանցվել ևս 11 նահանգներում, այդ թվում՝ Կանզասում, Կենտուկիում, Միսսուրիում, Օհայոյում և Թենեսիում։
ԱՄՆ-ում ձնաբքի պատճառով շուրջ 5 հազար չվերթ է չեղարկվել, եւս 14 հազար չվերթ հետաձգվել է։
ԱՄՆ նախագահ Ջո Բայդենն ավելի վաղ արտակարգ դրություն էր հայտարարել ձնաբքի պատճառով։
