Նորություններ

Ծայրահեղ ծանր վիճակում գտնվող զինծառայողի կյանքին այլևս վտանգ չի սպառնում

Դեկտեմբերի 3-ին վիրավորում ստացած զինծառայողի կյանքին, որի առողջական վիճակը գնահատվում էր ծայրահեղ ծանր, այլևս վտանգ չի սպառնում: Այս մասին NEWS.am-ին հայտնեց ՀՀ պաշտպանության նախարարի մամուլի քարտուղար Արամ Թորոսյանը։

Նշենք, որ զինծառայողը վիրահատվել էր եւ հոսպիտալում էր գտնվում:

Նախնական տվյալներով՝ 2022թ. դեկտեբերի 3-ին՝ ժամը 20:00-ի սահմաններում, ՀՀ ՊՆ N զորամասի զինծառայող, շարքային Գ.Հ.-ն, ընդգրկված լինելով մարտական հերթապահության, իրեն ամրակցված «АК-74» տեսակի ինքնաձիգից արձակված կրակոցից ստացել է աջ ազդրի հրազենային գնդակային միջանցիկ վնասվածք:

ՀՀ քննչական կոմիտեի զինվորական քննչական գլխավոր վարչության հինգերորդ կայազորային քննչական բաժնում ՀՀ քրեական օրենսգրքի 528-րդ հոդվածի 1-ին մասով նախաձեռնվել է քրեական վարույթ՝ զինծառայողի առողջությանը հրազենային վնասվածք պատճառվելու դեպքի առթիվ:

Back to top button