Նորություններ

ՀՀ Քաղավիացիայի կոմիտեն հրապարակել է Հայաստանում վթարի ենթարկված ինքնաթիռի զոհերի տվյալները

«2022 թվականի դեկտեմբերի 1-ին Ջրաբեր գյուղի տարածքում կործանված BeechCraft 95-B55 մասնավոր ինքնաթիռի 2 օդաչուներն հանդիսանում էին Ռուսաստանի Դաշնության քաղաքացիներ՝ Ալեքսեյ Վալերիի Պռոցենկոն՝ ծնված 1979 թվականին և Վիտալիյ Վասիլիի Ռոգատկինը՝ ծնված 1983 թվականին», — «Փաստինֆո»-ի հաղորդմամբ` նշվում է ավիացիայի հայտարարության մեջ:

Հիշեցնենք, որ դեպքը տեղի է ունեցել դեկտեմբերի 1-ին: Երևան -Աստրախան ուղղությամբ թռչող մասնավոր BeechCraft 95 տիպի օդանավի հետ տեղական ժամանակով 13:11-ին կապն ընդհատվել է, իսկ 14:20-ին ինքնաթիռը հայտնաբերվել է Կոտայքի մարզի Ջրաբեր գյուղի տարածքում կործանված:

Օդանավում եղել են միայն անձնակազմի անդամները՝ 2 օդաչու, որոնք զոհվել են, երկուսն էլ ՌԴ քաղաքացի:

Back to top button