Չեմ կարծում, որ Ռոնալդուի հետ ՄՅՈՒ-ն ավելի ուժեղ է․ Ռունի
«Մանչեսթեր Յունայթեդի» բոլոր ժամանակների լավագույն ռմբարկու Ուեյն Ռունին կարծում է, որ հարձակվող Կրիշտիանու Ռոնալդուն չի դարձնում «Մանչեսթեր Յունայթեդն» ավելի ուժեղ:
«Ոչ, չեմ կարծում, որ Ռոնալդուի հետ թիմն ավելի ուժեղ է։ Ինչ վերաբերում է իր կարիերային, նա և Մեսսին, անկասկած, բոլոր ժամանակների երկու լավագույն խաղացողներն են, դուք կարող եք ընտրել մեկին:
Պարզապես կարծում եմ, որ այն, ինչ Ռոնալդուն անում է մրցաշրջանի սկզբից, «Մանչեսթեր Յունայթեդի» համար իմաստ չունի: Ես տեսնում եմ, որ Ռոյ Քինը պաշտպանում է նրան, չնայած նա ինքն էլ դա չէր խոստովանի: Ռոնալդուն այս պահին խանգարում է «Մանչեսթեր Յունայթեդին» վերակառուցել թիմը:
Կրիշտիանուն պետք է գլուխը խոնարհի, քրտնաջան աշխատի և պատրաստ լինի խաղալու, երբ մարզչին պետք է: Եթե անի, կարող է օգտակար լինել։ Եթե նա դա չանի, ապա կարծում եմ, որ դա միայն կխանգարի»,- Ռունիին մեջբերում է talkSPORT-ը:
