Նորություններ

ՌԴ քաղաքացիներն ինչպես եկան, այնպես էլ արագ հեռացան. որքա՞ն մարդ մնաց Հայաստանում

ՀՀ ազգային վիճակագրական ծառայության հրապարակած տվյալների համաձայն՝ 2022 թվականի  հունվար-մայիս ամիսներին 845.504 մարդ է մուտք գործել Հայաստան, հեռացել՝ 853.497 մարդ:

ՀՀ քաղաքացիներից 351.671 մուտք է եղել, երկրից հեռացել է 383.634 ՀՀ քաղաքացի: Մեկնումների և վերադարձի բացասական հաշվեկշիռը կազմում է -31.963:

Հաշվի առնելով ռուս-ուկրաինական պատերազմը՝ նախորդ ամիսներին մեծ թվով ռուսաստանցիներ ժամանեցին Հայաստան:

ՀՀ ԱՎԾ տվյալների համաձայն՝ այս տարվա առաջին հինգ ամիսներին Հայաստան է եկել      269.369 ՌԴ քաղաքացի, իսկ հեռացել  252.742 (հասկանալի է, որ այս տվյալներում մեծ կլինի ՌԴ քաղաքացիություն ստացած հայերի թիվը):  Տարբերությունը դրական է,  կազմում է +16627:

Մեծ թվով ռուսաստանցիներ եկել են Հայաստան հատկապես ապրիլ–մայիս ամիսներին՝ համապատասխանաբար 55.070 և 72.182 ՌԴ քաղաքացի:

ՌԴ քաղաքացիներից հետո Հայաստան ժամանողների մեջ մեծ թիվ են կազմում Վրաստանի, Իրանի, Ուկրաինայի, Ամերիկայի Միացյալ Նահանգների և Բելառուսի քաղաքացիները:

Բելառուսից Հայաստան մուտքերը կրկին ակտիվացել են ռուս-ուկրաինական պատերազմից հետո: Հինգ ամսվա ընթացքում այս երկրից Հայաստան է եկել 8.398 մարդ, հեռացել՝  7.808-ը:

Դիտարկենք Ուկրաինայից Հայաստան ժամանողների թիվը. 10.019 մուտք և 9.530 ելք: Ուշագրավ է, որ պատերազմը առանձնապես չի փոխել այս երկրից Հայաստան մուտքերի թիվը: Տարբեր տվյալների համաձայն՝ Ուկրաինայում ապրում է շուրջ 400.000 հայ: Շատերը ունեն այդ երկրի քաղաքացիություն:  Ակնհայտ է, որ պատերազմը նրանց  Հայաստան չի բերել:

Back to top button