ՆորություններՔո ձայնը

«Ամբողջ պետական ապարատով, քարոզչական մեքենայով մարդուն դավաճան հանեցին, հետո պարզվեց, որ նման բան չկար». Տ. Աբրահամյան

«Ամիսներ առաջ ԱԱԾ-ն հրապարակեց հայտարարություն, որի համաձայն` լրտեսության և պետական դավաճանության գործով 20 մեղադրյալ է անցել, որոնցից 14-ը կալանավորվել են»։

Այս մասին ֆեյսբուքյան իր էջում գրել է ԱԺ «Պատիվ ունեմ» խմբակցության պատգամավոր Տիգրան Աբրահամյանը:

«Ըստ Mediahub-ի, կալանավորված անձանցից մեկի՝ Շիրակի մարզի Պեմզաշեն գյուղի բնակիչ, Վարդենիսում պայմանագրային զինծառայողների գումարտակի հրամանատար Գարիկ Էլոյանի գործը կարճվել է. օրերս նրան ազատ են արձակել՝ հանցակազմի բացակայության հիմքով։

Փաստորեն ամբողջ պետական ապարատով, քարոզչական մեքենայով մարդուն դավաճան հանեցին, հետո պարզվեց, որ նման բան չկար ու հանցակազմի բացակայության հիմքով ազատ են արձակել։

Թե բա խեղճ Նիկոլն ինչ աներ, լիքը դավաճան կար։ Ամենամեծ դավաճանը դուք եք, որ մարդկային ճակատագրերի հետ խաղում եք, մարդկանց վարկաբեկում, ինչեր ասես որ չեք բեմադրում ու վերջում պարզվում, որ թատրոնն ավարտված է»,-գրել է Աբրահամյանը։

 

 

 

Back to top button