Նորություններ

Լարսում շարունակվում են կուտակումները. Վրաստանում ՀՀ դեսպանատունը պարզաբանում է

Վերին Լարսի անցակետում շարունակվում է բեռնատարների կուտակումը, թեև վերջին 3 օրերի ընթացքում կուտակումները համեմատաբար պակասել են: «Ալիք մեդիային» հայտնում են Վրաստանում Հայաստանի դեսպանությունից:

«Տևական ժամանակ է կուտակումներ կան սահմանին: Վերջին 3 օրվա ընթացքում մոտ 250 հայկական բեռնատար արդեն հատել է սահմանը, այս պահին մոտավորապես 450 մեքենա դեռ Թբիլիսիից եկող ճանապարհին է կուտակված, մոտ 50 մեքենա էլ՝ Բաթումիի կողմից եկող ճանապարհին»,-«Ալիք Մեդիայի» հետ զրույցում ասաց ՀՀ դեսպանության ներկայացուցիչը:

Դեսպանության տվյալներով՝ կուտակումների պատճառը ուղևորահոսքի ավելացումն է, որի համար էլ տարողունակությունը չի բավարարում:

«Մոտ մեկ ամսից ավելի է, ինչ կուտակումներ կան՝ մեկ օր ավելանում է, մեկ օր պակասում: Սկզբնական շրջանում կուտակումերը պայմանավորված էին եղանակային պայմաններով, հետո արդեն, երբ Ռուսաստանը բացեց Հայաստանի քաղաքացիների համար ցամաքային սահմանները, սկսվեց ուղևորահոսքի ավելացումը»,- հայտնում են դեսպանությունից:

Ավելի վաղ ՀՀ էկոնոմիկայի նախարար Վահան Քերոբյանը վստահեցրել էր, որ Լարսի անցակետում բեռնատարների հերթերի խնդրին հնարավորինս շուտ լուծում տալու համար ռուսաստանցի գործընկերների հետ ամենօրյա աշխատանքի մեջ են։

 

aliq.ge

Back to top button