ՄիջազգայինՆորություններ

Վրաստանում բողոքի ցույցեր են ընթանում՝ ի պաշտպանություն Ուկրաինայի

Վրաստանում ցույցեր կազմակերպած քաղաքացիական ակտիվիստները կոչ են արել Վրաստանի իշխանություններին բացահայտորեն աջակցել Կիևին։

Արևմտյան երկրների և Ռուսաստանի միջև լարվածության աճի ֆոնին Վրաստանում բողոքի ցույցեր են ընթանում՝ ի պաշտպանություն Ուկրաինայի։

Այս մասին, ԳԱԼԱ-ի փոխանցմամբ, հայտնում է newsgeorgia.ge-ն:

Այսօր Թբիլիսիում Ուկրաինայի դեսպանատան մոտ մի քանի տասնյակ մարդ է հավաքվել։ Հանրահավաքը կազմակերպել է ընդդիմադիր «Սիրցխվիլիա» («Ամոթ») շարժումը։ Նրանց միացել են քաղաքացիական ակտիվիստներ, քաղաքական կուսակցությունների առաջնորդներ, ինչպես նաև շարքային քաղաքացիներ։

Հավաքվածներն իրենց հետ բերել են Ուկրաինայի դրոշները, ինչպես նաև պաստառներ՝ «Ուկրաինան և Վրաստանն առանց Ռուսաստանի», «Մենք երբեք չենք վերադառնա ԽՍՀՄ» և այլ գրառումներով։

Հանրահավաքի մասնակիցներն ընդգծել են, որ իրենց անհանգստացնում է Ուկրաինայի դեմ ռուսական ռազմական ագրեսիայի աճող ռիսկը։ Նրանք կարծում են, որ այս դժվարին պահին պարտավոր են համերաշխություն հայտնել բարեկամ ժողովրդին։

Այսօր Քութայիսիում եւս տեղի է ունեցել հանրահավաք՝ ի պաշտպանություն Ուկրաինայի։

Վրաստանում ցույցեր կազմակերպած քաղաքացիական ակտիվիստները կոչ են արել Վրաստանի իշխանություններին բացահայտորեն աջակցել Կիևին։

Back to top button
Close