Ամերիկացի գիտնականները կորոնավիրուսի դեմ մաստակ են ստեղծել

Փենսիլվանիայի համալսարանի և մի շարք այլ գիտական ​​կազմակերպությունների գիտնականները մշակել են մաստակ, որը կարող է չեզոքացնել թքի մեջ առկա կորոնավիրուսը:

Այս մասին, ԳԱԼԱ-ի փոխանցմամբ,  հայտնում է համալսարանի կայքը։

Հետազոտության հեղինակ Հենրի Դանիելի կարծիքով՝ նման մաստակը կնվազեցնի վարակի փոխանցման հավանականությունը։

Ծամոնի հիմքում ACE2 սպիտակուցն է, որն աճեցվում է գենետիկ տեխնոլոգիաների և բուսական նյութերի միջոցով: Փորձի համար թիմն աճեցրել է ACE2-ը և այն միացրել բաղադրիչի հետ, որը թույլ է տալիս սպիտակուցին անցնել լորձաթաղանթով:

Հետազոտությունը ցույց է տվել, որ մաստակը կարողացել է կանխել վիրուսի ներթափանցումն օրգանիզմի բջիջներ, իսկ վարակված հիվանդների լորձունքում կտրուկ նվազել է ՌՆԹ պարունակող վիրուսի մակարդակը։

Ներկայումս գիտնականները մտադիր են կլինիկական փորձարկման թույլտվություն ստանալ՝ մշակումն ավելի արդյունավետ գնահատելու համար:

Ավելի վաղ հաղորդվել էր, որ ամերիկացի գիտնականները հետազոտությունների համար ոչ վարակիչ SARS-CoV-2 են ստեղծել։