«Թուրքը որտեղից ուզում, մտնում է. մեր տղաները հզոր են, նրանց պետք է միայն արդիական զենքով ապահովել». Ա.Գրիգորյան
«Տեսնում եք՝ ինչ է կատարվում, անտերություն է, թուրքը որտեղից ուզում, մտնում է. թող վերազինեն, ուժեղացնեն մեր բանակը: Մեր զինվորները հզոր են, սակայն տեխնիկական համալրում է պետք, նրանց պետք է զինել ժամանակակից, արդիական զենքով»
«Մենք իրավունք ունենք իմանալու, թե ինչ է կատարվում մեզ հետ, ինչ է կատարվել մեզ հետ և ինչ է կատարվելու: Մենք ապրում ենք ժողովրդավարական երկրում և լինելով ժողովրդավար պետություն՝ այսօր մեծամասնությունը չի իմանում, թե ինչ է կատարվում: Ես և իմ ընկերները, բոլորս այստեղ ենք որպես ժողովրդի մի մասնիկ և անընդհատ ասում ենք՝ միասնականություն»,- ԳԱԼԱ-ի փոխանցմամբ՝ այս մասին հանրահավաքի ժամանակ հայտարարեց «5165» շարժման անդամ, ժողովրդական երգիչ Արսեն Գրիգորյանը:
«Մենք բոլորս պահանջում ենք, որ հանրայնացնեն այն փաստաթղթերը, որոնք պիտի ստորագրվեն, որոնք կապ ունեն մեր զավակների, մեր գալիք սերունդների ապագայի, մեր զինվորների վիճակի հետ:
Ժամանակն է արթնանալ… եկեք տեր կանգնենք մեր երկրին, տեր կանգնենք մեր իրավունքներին, մեր ապագային, մեր զինվորի կողքը լինենք, որ հենց հիմա պաշտպանում է սահմանը: Պետք է ավելի զինել, համալրել զինվորների շարքերը:
Հենց հիմա իմ տղան ծառայում է Արցախում, եկեք տեր կանգնենք իմ տղային, բոլորի տղաներին, բոլոր զինվորներին. սա է այսօր մեր առաջնային խնդիրը:
Տեսնում եք՝ ինչ է կատարվում, անտերություն է, թուրքը որտեղից ուզում, մտնում է. թող վերազինեն, ուժեղացնեն մեր բանակը: Մեր զինվորը հզոր է, սակայն տեխնիկական համալրում է պետք: Մեր զինվորներին պետք է զինել ժամանակակից, արդիական զենքերով»,- նշեց Արսեն Գրիգորյանը:
Գրիգորյանն ընդգծեց, որ հիմա առավել քան երբևէ պիտի միասնական լինենք, ուրիշ ճար չկա: «Մեր ամբողջ պատմության ընթացքում բոլոր մեծերը մեզ կոչ են արել միասնականության և այսօր ժամանակն է՝ կողքի դրեք բոլոր խնդիրները, եկեք միանանք և տեր կանգնենք մեր երկրին, մեր ժողովրդին»,-հայտարարեց «5165» շարժման անդամը:
