ՄիջազգայինՆորություններ

Ռուսաստանում մեկ օրում գրանցվել է COVID-19-ով վարակվելու 34 303 դեպք. դա նոր առավելագույն ցուցանիշն է

Ռուսաստանում մեկ օրում COVID-19-ով վարակվելու հաստատված դեպքերի թիվն աճել է 34 303-ով՝ հասնելով 7 992 687-ի, կիրակի լրագրողներին հայտնել են նոր հիվանդության դեմ պայքարի դաշնային օպերատիվ շտաբում, ԳԱԼԱ-ի փոխանցմամբ, հաղորդում է ՏԱՍՍ-ը:

Դա հաջորդաբար չորրորդ առավելագույն ցուցանիշն է, որը գրանցում է երկրում մեկ օրում վարակվածների թիվը: Հիվանդացածների աճը կազմել է 0,43 տոկոս:

Այսպես կոչված ակտիվ դեպքերի թիվը, այսինքն՝ պացիենտների, որոնք ներկայում բուժվում են, հասել է 768 751-ի:

Նախորդ օրվա ընթացքում բուժվածների թիվն աճել է 18 717-ով՝ հասնելով 7 000 624-ի: Շտաբի տվյալներով՝ դուրս գրված պացիենտների թիվը կրճատվել է 87,6 տոկոսով՝ ի տարբերություն վարակվածների ընդհանուր թվի:

Ռուսաստանում կորոնավիրուսի հետեւանքով մեկ օրում գրանցվել է մահվան 997 դեպք՝ ի տարբերություն նախորդ օրվա, երբ գրանցվել էր 1 002 դեպք. ՌԴ-ում վարակի հետեւանքով մահվան դեպքերի ընդհանուր թիվը կազմում է 223 312 մարդ: Պայմանական մահացությունը (վերջնականը կարելի է պարզել միայն համավարակի ավարտից հետո) կանգնել է 2,79 տոկոսի մակարդակում, հետեւում է շտաբի տվյալներից:

Back to top button
Close