ՄիջազգայինՆորություններ

Էրդողանը դատապարտված է կախման թե՛ Ամերիկայից և թե՛ Ռուսաստանից

Թուրքական «Arti Gerçek» թերթի տնօրեն Էրգուն Բաբահանը և Ֆեհիմ Թաշթեքինը անդրադարձել են Թուրքիայի նախագահ Ռեջեփ Թայիփ Էրդողանի՝ Ռուսաստան այցից առաջ արած հակասական հայտարարություններին:

Նյու Յորք կատարած այցի ընթացքում խոսելով թուրք-ամերիկյան հարաբերությունների մասին՝ Էրդողանը, ըստ թուրք վերլուծաբանների, փորձել է այն «վարդագույն քողի ներքո» ներկայացնել:

Թուրքիայի նախագահը մասնավորապես նշել էր, որ վերջին քննադատական ​​զարգացումները ևս մեկ անգամ ցույց են տվել Թուրքիայի և ԱՄՆ-ի միջև գործընկերության կարևորությունը: Պետությունները կարող են նաև ժամանակ առ ժամանակ կարծիքների տարբերություններ ունենալ: Մենք հավատում ենք, որ դրանք կարելի է հաղթահարել երկխոսության միջոցով ՝ փոխադարձ հարգանքի շրջանակներում:

ՄԱԿ -ի Գլխավոր ասամբլեայի ելույթում Էրդողանը հանդես եկավ հայտարարություններով, որոնք Ռուսաստանի դեմ էին ուղղված Ղրիմի հարցում : Այդ հայտարարությունները հանդիպեցին Մոսկվայի կոշտ արձագանքին:

Չնայած Նյու Յորքում գործադրած մեծ ջանքերին ՝ Էրդողանը, որը չկարողացավ հանդիպել Ջո Բայդենի հետ և հանդիպման համառ պահանջները մերժվեցին: Թուրքիա վերադառնալուց հետո Էրդողանն սկսեց արդեն կոշտ հռետորաբանություն կիրառել  ԱՄՆ դեմ  և «սիրո ուղերձներ» հղեց Պուտինին: Այնուհետև, երբ Ռուսաստանը հայտնաբերեց, որ Թուրքիայից ներկրված լոլիկները վարակված են և ետ վերադարձրեց դրանք, Էրդողանն ասաց.

«Ես մինչ այժմ ԱՄՆ ոչ մի նախագահի հետ երբեք նման իրավիճակում չեմ հայտնվել: ԱՄՆ -ի Ցավոք, մենք հիմա նման իրավիճակում ենք, և ԱՄՆ -ում մեր հարաբերությունները՝ որպես ՆԱՏՕ-ի անդամ երկու երկիր նման բնույթ չպետք է ունենաին: Դժբախտաբար, ներկայումս ԱՄՆ -ն սպասվածից շատ ավելի է աջակցում ահաբեկչական կազմակերպություններին: Նրանց տալիս է մեծ քանակությամբ զենք և զրահատեխնիկա»:

Իր այս հայտարարությունից հետո Էրդողանն արդեն փորձել է սիրաշահել Ռուսաստանի նախագահ Վլադիմիր Պուտինին՝ նշելով, որ նրանից սպասումներն ամենևին այլ են իրենք միասին պետք պայքար մղեն Սիրիայում խաղաղություն հաստատելու համար:

«Մենք ցանկանում ենք Ռուսաստանի հետ մեր երկկողմ հարաբերությունները շատ ավելի զարգացնել»,- հայտարարել էր Էրդողանը:

Թուրք վերլուծաբաններն այս առումով հանգել են հետևյալ եզրահանգման.

Թուրքիան ձախողվեց Նյու Յորքում,

Էրդողանը շատ համառեց, բայց չկարողացավ հանդիպել Բայդենի հետ,

Եթե ​​Ղրիմի հարցը շարունակվի շահարկվել, ապա Ռուսաստանը կարող է գործի դնել քրդական խաղաքարտը,

Ասադ-Պուտին հանդիպումը շատ կարևոր է Իդլիբի համար,

Նախորդ օրը 140 օդային հարված է հասցվել Իդլիբին,

Բայդենի վերաբերմունքը Պուտինի ձեռքերին ազատություն տվեց,

Էրդողանը դատապարտված է և կարիքն ունի թե՛ ԱՄՆ-ի, և թե՛ Ռուսաստանի,

Էրդողանի մեծ սխալները Ռուսաստանին դարձրեցին կարևոր դերակատար Մերձավոր Արեւելքում,

Թուրքիայում վերացել է պետության տրամաբանությունը,

Էրդողանը տարածաշրջանում Իսրայելին ավելի ուժեղ դարձրեց,

Պուտինը չի ցանկանում, որ թույլ Էրդողանը կորցնի իշխանությունը, նա մի քայլ հետ կանի Իդլիբում:

Էրդողանյան Թուրքիան դիվանագիտության մեջ դոնկիխոտություն է անում:

Աղբյուր`  ermenihaber.am
facebook sharing button
twitter sharing button
pinterest sharing button
email sharing button
Back to top button
Close