Նորություններ

Ճանապարհատրանսպորտային պատահարներ Հայաստանում

Սեպտեմբերի 6-ին, ժամը 16.00-ին, Երևանի Սարալանջի փողոցում «Տոյոտա» մակնիշի ավտոմեքենայի վարորդը վրաերթի է ենթարկել 18-ամյա քաղաքացու, որը մարմնական վնասվածքներով տեղափոխվել է հիվանդանոց:
Կատարվում է քննություն։ Այս մասին, ԳԱԼԱ-ի փոխանցմամբ, հայտնում են ՀՀ ոստիկանությունից:

***

Սեպտեմբերի 7-ին, ժամը 01.00-ին, հաղորդում է ստացվել, որ հիվանդանոց բուժօգնության տեղափոխված 34-ամյա քաղաքացին հայտնել է, որ վնասվածքները ստացել է Երևանի քաղաքապետարանի մոտ տեղի ունեցած ավտովթարի հետևանքով:
Կատարվում է քննություն։

***

Սեպտեմբերի 7-ին, ժամը 11.20-ին, Երևանի Աբովյան և Արամի փողոցների խաչմերուկում «Նիսան» մակնիշի ավտոմեքենայի վարորդը վրաերթի է ենթարկել 22-ամյա քաղաքացու, որը մարմնական վնասվածքներով տեղափոխվել է հիվանդանոց:
Կատարվում է քննություն։

***

Սեպտեմբերի 6-ին, ժամը 09.00-ին, Երևանի Աերացիա թաղամասում «Օպել» մակնիշի ավտոմեքենայի վարորդը վրաերթի է ենթարկել 36-ամյա քաղաքացու, որը մարմնական վնասվածքներով տեղափոխվել է հիվանդանոց:
Կատարվում է քննություն։

***

Սեպտեմբերի 7-ին, ժամը 15.30-ին, 50-ամյա քաղաքացին բուժօգնության է դիմել հիվանդանոց և հայտնել, որ վնասվածքները ստացել է սեպտեմբերի 4-ին, ժամը 19.30-ին, Երևանի Արշակունյաց պողոտայում մոպեդով կողաշրջվելու հետևանքով:
Կատարվում է քննություն։

***

Սեպտեմբերի 6-ին, ժամը 16.00-ին, Երևանի Գ. Մահարու և Նուբարաշենի փողոցների խաչմերուկում իրար են բախվել «Տոյոտա» և «Ջին Բեյ» ավտոմեքենաներ. «Ջին Բեյի» երեք ուղևորները մարմնական վնասվածքներով տեղափոխվել են հիվանդանոց:
Կատարվում է քննություն։

***

Սեպտեմբերի 6-ին, ժամը 14.50-ին, Երևանի Սեբաստիայի փողոցում «Մերսեդես» մակնիշի ավտոմեքենայի վարորդը վրաերթի է ենթարկել 50-ամյա քաղաքացու, որը մարմնական վնասվածքներով տեղափոխվել է հիվանդանոց:
Կատարվում է քննություն։

***

Սեպտեմբերի 7-ին, ժամը 01.30-ին, Երևանի Ծիծեռնակաբերդի խճուղում իրար են բախվել «ԲՄՎ» և «Մերսեդես» մակնիշի ավտոմեքենաներ. «ԲՄՎի» 22-ամյա վարորդը և ուղևորը, «Մերսեդեսի» 29-ամյա վարորդը և ուղևորը մարմնական վնասվածքներով տեղափոխվել են հիվանդանոց:
Կատարվում է քննություն։

***

Սեպտեմբերի 5-ին, ժամը 18.40-ի սահմաններում, Մարգարա-Վանաձոր-Տաշիր ճանապարհի 46-րդ կմ-ին իրար էին բախվել «Օպել» և «Հոնդա» մակնիշի ավտոմեքենաներ։
Սեպտեմբերի 7-ին «Օպելի» 40-ամյա վարորդը բուժօգնության է դիմել հիվանդանոց:
Կատարվում է քննություն։

***

Սեպտեմբերի 7-ին, ժամը 19.00-ի սահմաններում, Երևան-Գյումրի ճանապարհի 67-րդ կմ-ին «Մերսեդես» մակնիշի ավտոմեքենան բախվել է խոշոր եղջերավոր անասունի, դուրս է եկել երթևեկելի գոտուց և կողաշրջվել. 26-ամյա ուղևորը մարմնական վնասվածքներով տեղափոխվել է հիվանդանոց:
Կատարվում է քննություն։

***

Սեպտեմբերի 7-ին, ժամը 20.30-ի սահմաններում, Արագածոտնի մարզի Թաթուլ գյուղում «ՎԱԶ- 21214» մակնիշի ավտոմեքենան բախվել է քարե պարսպին. 29-ամյա վարորդը մարմնական վնասվածքներով տեղափոխվել է հիվանդանոց:
Կատարվում է քննություն։

***

Սեպտեմբերի 7-ին, ժամը 10.50-ի սահմաններում, Երևան-Երասխ ճանապարհին՝ Դիմիտրով գյուղի հատվածում, «Տոյոտա Կորոլա» մակնիշի ավտոմեքենան դուրս է եկել ճանապարհի երթևեկելի գոտուց և կողաշրջվել. 61-ամյա վարորդը մարմնական վնասվածքով տեղափոխվել է հիվանդանոց:
Կատարվում է քննություն։

***

Սեպտեմբերի 7-ին, ժամը 20.40-ին, հիվանդանոցից հաղորդում է ստացվել, որ վթարի հետևանքով մարմնական վնասվածքներով բուժօգնության են դիմել 16-ամյա երկու քաղաքացի:
Պարզվել է, որ նույն օրը, ժամը 20.00-ի սահմաններում, Արարատի մարզի Նոր Խարբերդ գյուղում «Պորշ Կայեն» մակնիշի ավտոմեքենան բախվել է տներից մեկի պատին. ուղևորները մարմնական վնասվածքներով տեղափոխվել են հիվանդանոց:
Կատարվում է քննություն։

***

Սեպտեմբերի 7-ին, ժամը 20.00-ի սահմաններում, Գյումրի քաղաքի Գ. Նժդեհի փողոցում «Հունդաի» մակնիշի ավտոմեքենայի վարորդը վրաերթի է ենթարկել 55-ամյա քաղաքացու, որը տեղափոխվել է հիվանդանոց:
Կատարվում է քննություն։

***

Սեպտեմբերի 7-ին, ժամը 11.00-ի սահմաններում, Կապան քաղաքի Արզումանյան փողոցում իրար են բախվել «Մերսեդես Բենց» և «Միցուբիշի Պաջերո» մակնիշի ավտոմեքենաներ. «Միցուբիշի Պաջերոյի» վարորդը և ուղևորը մարմնական վնասվածքներով տեղափոխվել են հիվանդանոց:
Կատարվում է քննություն։

***

Սեպտեմբերի 7-ին, ժամը 11.40-ի սահմաններում, Եղեգնաձոր քաղաքի Մոմիկի փողոցում «Օպել Աստրա» մակնիշի ավտոմեքենայի վարորդը վրաերթի է ենթարկել 36-ամյա քաղաքացու, որը մարմնական վնասվածքներով տեղափոխվել է հիվանդանոց:
Կատարվում է քննություն։

***

Սեպտեմբերի 7-ին, ժամը 23.30-ի սահմաններում, Երևան-Մեղրի ճանապարհից դեպի Զառիթափ բնակավայր տանող ճանապարհին «ՈւԱԶ-452» ավտոմեքենան դուրս եկել երթևեկելի մասից և կողաշրջվել. վարորդը և 40-ամյա ուղևորը մարմնական վնասվածքներով տեղափոխվել են հիվանդանոց:
Կատարվում է քննություն։

`Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:

Back to top button