Սպիտակի բժշկական կենտրոնին նորագույն պատկերագրման սարք է տրամադրվել

ՀՀ-ում ԱՄՆ դեսպան Լին Թրեյսին ՀՀ առողջապահության նախարարության ու Սպիտակի բժշկական կենտրոնի ներկայացուցիչների հետ մասնակցեց բժշկական սարքավորման նվիրաբերման արարողությանը։

Այս մասին, ԳԱԼԱ-ի փոխանցմամբ, հայտնում են ՀՀ-ում ԱՄՆ դեսպանատնից:

Նոր կորոնավիրուսի դեմ պայքարին աջակցելու նպատակով Սպիտակի բժշկական կենտրոնին տրամադրվեց 255.000 ԱՄՆ դոլար արժողության բժշկական պատկերագրման սարք։

Այս նվիրատվությունը կատարվել է ԱՄՆ Եվրոպական հրամանատարության կողմից։

Ընդհանուր առմամբ, ԱՄՆ Եվրոպական հրամանատարությունը Հայաստանում նոր կորոնավիրուսի համավարակի դեմ պայքարին աջակցելու նպատակով տրամադրել է 770.000 ԱՄՆ դոլար արժողությամբ բժշկական սարքավորումներ։