ՆորություններՍպորտ

Շևչենկոն հեռացել է Ուկրաինայի հավաքականի գլխավոր մարզչի պաշտոնից

Ուկրաինայի հավաքականի գլխավոր մարզիչ Անդրեյ Շևչենկոն հեռացել է զբաղեցրած պաշտոնից:

«Այսօր ավարտվել է Ուկրաինայի ֆուտբոլի ասոցիացիայի հետ իմ գործող պայմանագիրը: Ես 5 տարի անցկացրի հավաքականում: Քրտնաջան աշխատանքի շնորհիվ մենք ապացուցեցինք, որ կարող ենք ժամանակից ֆուտբոլ խաղալ: Ես շնորհակալ եմ ասոցիացիայի նախագահին և Գործկոմին՝ ընձեռած հնարավորության համար: Շնորհակալ եմ յուրաքանչյուրին, ով օգնել է և ներգրավված է եղել թիմի աշխատանքներում:

Շնորհակալ եմ երկրպագուների աջակցության և քննադատության համար: Միասին մենք կարողացանք ցույց տալ, որ Ուկրաինայի հավաքականի ֆուտբոլը կարող է լինել մրցունակ և գրավիչ: Հավատում եմ Ուկրաինային»,- գրել է Շևչենկոն Instagram-ի իր էջում:

Հիշեցնենք՝ Ուկրաինայի հավաքականը Եվրո-2020-ի խմբային փուլում մեկ հաղթանակ տարավ և երրորդ տեղով դուրս եկավ փլեյ-օֆֆ լրացուցիչ ցուցանիշների շնորհիվ: 1/8 եզրափակչում Շևչենկոյի սաները լրացուցիչ ժամանակում հաղթեցին Շվեդիային (2-1), իսկ քառորդ եզրափակչում ջախջախիչ պարտություն կրեցին Անգլիայից (0-4):

Back to top button
Close