Նորություններ

Ավտովթար Արարատի մարզում, բախվել են Hyundai Sonata-ն և Ford Escape-ը. հղի ուղևորը տեղափոխվել է հիվանդանոց

Երեկ՝ հունիսի 18-ին, ավտովթար է տեղի ունեցել Արարատի մարզում:

Ժամը 19:00-ին, Մասիս քաղաքի Հ. Վարդանյան փողոցի և Էջմիածնի խճուղու օղակաձև խաչմերուկում բախվել են Երևանի բնակիչ, 33-ամյա Դավիթ Ղուկասյանի Hyundai Soanata մակնիշի և Արարատի մարզի բնակիչ, 32-ամյա Գրիգոր Հովհաննիսյանի վարած Ford Escape մակնիշի ավտոմեքենաները:

Ինչպես հայտնում է ֆոտոլրագրող Գագիկ Շամշյանը, վթարի հետևանքով Ford-ի ուղևոր, Արարատի մարզի բնակիչ, 32-ամյա Հայարփի Մ.-ն բժշկական օգնություն ստանալու նպատակով տեղափոխվել է «Էրեբունի» բժշկական կենտրոն:

Դեպքի վայր են ժամանել Ճանապարհային ոստիկանության 2-րդ սպայական գումարտակի 1-ին վաշտի 2-րդ դասակի ավագ տեսուչ Հարություն Թորոսյանն ու տեսուչ Գեղամ Մովսիսյանը:

Տեղում հետաքննական աշխատանքները ղեկավարել է նույն վաշտի հետաքննիչ Արմեն Գաբրիելյանը, ու կողմից փաստի առթիվ նյութեր են նախապատրաստվում:

Գ. Շամշյանի տեղեկություններով, վիրավորի կյանքին, ով հղի է, վտանգ չի սպառնում:

Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:

Back to top button
Close