Սպորտ

Ադամյանի գոլը փրկեց Հոֆենհայմին պարտությունից, Բավարիան ու Բորուսիան հաղթանակներ տարան

Բունդեսլիգայի 34-րդ տուրում «Հոֆենհայմը» ընդունել էր «Հերտային» ու կամային հաղթանակ տարավ։ Խաղի 43-րդ րոպեին հյուրերի կազմում հաշիվը բացեց Դարիդան, 49-րդ րոպեին Հայաստանի ազգային հավաքականի ֆուտբոլիստ Սարգիս Ադամյանը հավասարեցրեց հաշիվը, իսկ հիմնական ժամանակին ավելացված 1-ին րոպեին Կրամարիչը հաղթանակ պարգևեց տանտերերին։

Օրվա մյուս խաղում Մյունխենի «Բավարիան» ընդունել էր «Աուգսբուրգին» ու 5-2 հաշվով հաղթանակի հասավ։ 9-րդ րոպեին ինքնագոլով հաշիվը բացեց հյուրերի ֆուտբոլիստ Գուվելեուվը, իսկ մյունխենիցների կազմում աչքի ընկան Գնաբրին (23′), Կիմիխը (33′), Կոմանը (43′) և Լևանդովսկին (90′)։

Մյուս խաղում Դորտմունդի «Բորուսիան» տանը 3-1 հաշվով հաղթեց «Բայերին»։

Դուբլի հեղինակ դարձավ Էրլինգ Հոլանդը՝ աչքի ընկնելով 5-րդ և 84-րդ րոպեներին։ Մեկ անգամ էլ գոլի հեղինակ դարձավ Մարկո Ռոյսը՝ 51-րդ րոպեին։ Հիմնական ժամանակի ավարտից 1 րոպե առաջ Բենդերը անվրեպ իրացրեց 11-մետրանոցը՝ հաշիվը դարձնելով 3-1։

Այսպիսով, «Բորուսիան» 64 միավորով տեղավորվեց 3-րդ, իսկ «Բայերը» 52 միավորով՝ 6-րդ։

Զուգահեռաբար ընթացող մյուս խաղերում գրանցվեցին հետևյալ արդյունքները․

«Այնտրախտ»-«Ֆրանկֆուրտ»՝ 3-1

«Քյոլն»-«Շալկե»՝ 1-0

«Շտուտգարտ»-«Արմինիա»՝ 0-2

«Ունիոն»-«Լայպցիգ»՝ 2-1

«Վերդեր»-«Բորուսիա Մ»՝ 2-4

«Վոլֆսբուրգ»-«Մայնց»՝ 2-3

armsport.am

Back to top button
Close