Նորություններ

Պատվաստումը հասանելի է 18 տարեկանից բարձր քաղաքացիներին՝ անվճար. Ավանեսյան

Մենք բավական հեշտացրել ենք պատվաստման պրոցեսը: Անկախ նրանից, թե որտեղ եք կցագրված, կարող եք զանգահարել ձեր նախընտրած պոլիկլինիկա, հերթագրվել և անվճար պատվաստվել կորոնավիրուսի դեմ,- ասել է առողջապահության նախարարի պաշտոնակատար Անահիտ Ավանեսյանը:

Նա նշել է, որ պատվաստումը հասանելի է 18 տարեկանից բարձր քաղաքացիներին՝ անվճար:

«Կառավարությունն ամեն ինչ անում է, որ ձևավորվի հանրային իմունիտետ, և վերադառնանք բնականոն կյանքի:

Հաջորդ շաբաթվանից կգործեն շարժական խմբեր՝ շտապօգնության կահավորված մեքենաներ, որոնք կլինեն քաղաքի բանուկ հատվածներում և կհեշտացնեն պատվաստման գործընթացը»,- ասել է Ավանեսյանը:

Նրա խոսքով՝ այս պահին պատվաստվել է մոտ 3000 քաղաքացի, ինչը դեռևս ցածր ցուցանիշ է:

Հարցազրույցն ամբողջությամբ ներկայացրել է ՀՀ կառավարությունը.

Back to top button