Նորություններ

Արտակարգ դեպք Երևանում. վթարի հետեւանքով 2 քաղաքացի բարձրությունից ընկել են. կան վիրավորներ

Այսօր՝ ապրիլի 16-ին, ավտովթար-վրաերթ է տեղի ունեցել Երևանում: Ժամը 16:40-ի սահմաններում Բագրատունյաց պողոտա-Սողոմոն Տարոնց փողոցի խաչմերուկում Honda Fit մակնիշի ավտոմեքենան բախվել է Opel Vectra մակնիշի ավտոմեքենային:

Ինչպես  դեպքի վայրից հայտնում է ֆոտոլրագրող Գագիկ Շամշյանը, բախման հետևանքով Opel-ը դուրս է եկել երթևեկելի գոտուց  և վրաերթի ենթարկել 2 հետիոտնի:

Վթար-վրաերթի հետևանքով  3 հոգի  մարմնական վնասվածքներով տեղափոխվել են Երևանի տարբեր հիվանդանոցներ:

Վիրավորներին առաջինը օգնության են հասել  քաղաքացիները և օպերատիվորեն ժամանած Արտակարգ իրավիճակների  նախարարության փրկարար ծառայության Երևանի հրշեջ-փրկարարական ջոկատի հրեջ-փրկարարները:

Օպերատիվ է գործել նաև Երևանի  1-03 շտապօգնության բժիշկների հերթապահ խումբը, ովքեր վիրավորներին մինչև հիվանդանոց տեղափոխելը, տեղում առաջին բուժօգնությունն են ցուցաբերել:

Օպերատիվորեն ժամանել են նաև ոստիկանության Շենգավիթի բաժնի համայնքային  ոստիկանության բաժանմունքի  ավագ տեսուչներ Արթուր Բարսեղյանն ու  Մանվել Երեմյանը:

Դեպքի վայր են ժամանել նաև ճանապարհային ոստիկանության  1-ին սպայական գումարտակի 2-րդ դասակի ծառայողները:

Back to top button
Close