Նորություններ

Երեւանում 80 տարեկան մարդուն ծեծել են, որի հետևանքով ժամեր առաջ պապիկը մահացել է. Ռ.Մելիքյան

Փաստաբան, Արցախի մարդու իրավունքների նախկին պաշտպան Ռուբեն Մելիքյանը սոցցանցի իր էջում գրել է.

Հենց նոր տեղեկացա մի զարհուրելի դեպքի մասին, որ տեղի է ունեցել 2 օր առաջ՝ Երևանի Նոր Նորք համայնքում։

Անհայտ (հավանաբար՝ կենցաղային) պատճառներով 80 տարեկան մարդուն օրը ցերեկով վերջին ձևով ծեծել են, որի հետևանքով ժամեր առաջ պապիկը մահացել է։

Հիմնավոր պատճառներ ունեմ ենթադրելու, որ մարդասպանին հաջողվելու է «ջրից չոր դուրս գալ»։ Այդ կասկածս է՛լ ավելի ամրապնդվեց, երբ տեղեկացա, որ քրգործը հարուցվել է ՀՀ քրօր 120 հոդվածով՝ ԱՆԶԳՈՒՇՈՒԹՅԱՄԲ առողջությանը ծանր վնաս պատճառելը (առավելագույն պատիժը՝ 2 ամսով կալանք):

Տեղեկացնում եմ իրավապահի ուսադիրներ կրող ենթադրյալ «արյան վաճառականներին» — եթե ձեզ թվում է, որ կարող եք «անտեր» մարդկանց հետ այդպես վարվել ու մարսել, ապա ստիպված եմ ձեզ հիասթափեցնել. չի՛ ստացվելու։ Անձամբ եմ զբաղվելու այս գործով։

Back to top button
Close