Նորություններ

ՏԵՍԱՆՅՈՒԹ՝ ինչպես է Երևանում BMW-ն բախվում բենզալցակայանի մոտ կայանված «07»-ին, վերջինս էլ կողաշրջվում է

SHAMSHYAN.com-ը ներկայացնում է բացառիկ տեսանյութ՝ ինչպես է այսօր՝ մարտի 27-ին, Երևանում՝ Արշակունյաց 23 հասցեի դիմաց, BMW-ն բախվում բենզալցակայանի մոտ կայանված ՎԱԶ 2107-ին, ինչի հետևանքով վերջինս կողաշրջվում է։

Ինչպես ավելի վաղ դեպքի վայրից հայտնել էր ֆոտոլրագրող Գագիկ Շամշյանը, այսօր՝ մարտի 27-ին, խոշոր ավտովթար էր տեղի ունեցել Երևանում։

Ժամը 07։30-ի սահմաններում Արշակունյաց 23 հասցեի դիմաց BMW մակնիշի ավտոմեքենան բախվել էր նշված հատվածում գտնվող բենզալցակայանի մոտ կայանված ВАЗ 2107 մակնիշի ավտոմեքենային։

Բախման հետևանքով «07»-ը կողաշրջվել էր՝ վնասելով բենզալցակայանի գույքի մեծ մասը, այդ թվում՝ արտաքին լուսավորման լույսերը, լիցքավորման սարքը, իսկ BMW-ն բախման վայրից մոտ 80 մետր առաջ էր ընթացել։

Վթարի մասին Երևանի ՃՈ օպերատիվ կառավարման կենտրոնի պատասխանատու հերթապահ Միքայել Աղաբեկյանը տեղեկությունը փոխանցել էր Ճանապարհային ոստիկանության 1-ին սպայական գումարտակի 8-րդ դասակ, որտեղից ժամանել էր ավագ տեսուչ, օրվա պատասխանատու Ռազմիկ Սարգսյանը, տեսուչներ Ալիկ Գալստյանն ու Վարդան Միրզոյանը։

Փաստի առթիվ Ա. Գալստյանի կողմից նյութեր էին նախապատրաստվում։


Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է  անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:

Back to top button
Close