Նորություններ

ՄՏՍ-ը սկսել է բջջային կապ տրամադրել ԼՂՀ տարածքում

Արցախի Հանրապետության (Լեռնային Ղարաբաղի Հանրապետություն) տարածքում արդեն երկրորդ բջջային օպերատորն է գործում: Այս մասին հայտնում է «Վեսնիկ ԼՂՀ» Telegram-ալիքը

Դեկտեմբեր ամսից ռուսական ՄՏՍ ընկերության դուստր «ՄՏՍ-Հայաստանը» բջջային կապ է ապահովում չճանաչված ԼՂՀ տարածքում: Ընկերությունը տրամադրում է նույն սակագները, ինչ Հայաստանում: Վաճառքը տեղի է ունենում Ստեփանակերտում եւ այլ քաղաքներում շարժական վաճառակետերից:

Օպերատորի ծառայություններից օգտվում են Լեռնային Ղարաբաղում գտնվող ռուսական խաղաղապահ զորակազմը, ինչպես նաեւ ԼՂՀ այլ քաղաքացիներ:

ՄՏՍ-ի բազային նոր կայաններն ապահովում են ոչ միայն 2G եւ 3G, այլեւ գերարագ 4G հասանելիություն:

Արցախում գերարագ ՄՏՍ 4G ցանցի հասանելիության հնարավորությունը կբացի վիրտուալ սահմանները եւ կբարձրացնի հանրապետությունում կենսամակարդակը, երիտասարդներին հնարավորություն կտա լավագույն հեռավար կրթություն ստանալ եւ աշխատել ու չլքել հայրենի երկիրը։

Հիշեցնենք, որ երկար ժամանակ ԼՂՀ տարածքում հեռահաղորդակցական ծառայություններ մատուցում էր միայն «Ղարաբաղ Տելեկոմը»:

Back to top button
Close