Ուկրաինայի Լուցկ քաղաքում մեկնարկել են հայկական եկեղեցու շինարարական աշխատանքները

Վոլինի շրջանի հայկական համայնքի նախագահ Նշան Անտոնյանի խոսքով ՝ եկեղեցու կառուցման հարցով սկսել են զբաղվել դեռևս 2014 թվականին, սակայն տարբեր գործոնների պատճառով հողամասը ստացել են միայն 2019 թվականին և անմիջապես սկսել են շինարարական աշխատանքները:

«Եկեղեցու համար առաջին վճարումը կատարել է Ուկրաինայի հայերի միության նախագահ Վիլեն Շատվորյանը, ինչի համար մենք նրան շնորհակալ ենք: Պետք է նաև նշել, որ շատ ժամանակ է պահանջվել նախագծի պլանավորման և շինարարության աշխատանքների նախապատրաստման համար»,- պատմել է Անտոնյանը: