Նորություններ

Խոշոր ավտովթար Շիրակի մարզում. բախվել են Mercedes-ն ու ԳԱԶ-3302-ը. կան վիրավորներ

Այսօր՝ փետրվարի 20-ին, խոշոր ավտովթար է տեղի ունեցել Շիրակի մարզում:

Ժամը 08:30-ի սահմաններում, Գյումրի-Արմավիր ավտոճանապարհի 40 կմ հատվածում բախվել են Շիրակի մարզի բնակիչներ, 26-ամյա Էլբակ Ա.-ի վարած Mercedes մակնիշի և  30-ամյա  Կարեն Շ.-ի վարած ԳԱԶ-3302 մակնիշի ավտոմեքենաները:

Ինչպես հայտնում է ֆոտոլրագրող Գագիկ Շամշյանը, վթարի հետևանքով Էլբակ Ա.-ն մարմնական վնասվածքներով տեղափոխվել է Թալինի բժշկական կենտրոն, իսկ Կարեն Շ.-ն՝ Գյումրում բժշկական կենտրոն:

Օպերատիվորեն դեպքի վայր են ժամանել Ճանապարահային ոստիկանության 2-րդ սպայական գումարտակի 2-րդ վաշտի 2-րդ դասակի ծառայողները՝ վաշտի հրամանատար Վաչե Մալաքյանի, դասակի հրամանատար Պետրոս Պետրոսյանի գլխավորությամբ:

Ժամանել են նաև նույն վաշտի ավագ հետաքննիչներ Դավիթ Ավետիսյանն ու Նաիրի Գասպարյանը:

Տեղում հետաքննչական աշխատանքները ղեկավարել է Ն. Գասպարյանը, ում կողմից փաստի առթիվ նյութեր են նախապատրաստվում:

Ֆոտոլրագրողը հայտնում է, որ բախման հետևանքով ԳԱԶ-ը կողաշրջվել է, իսկ Mercedes-ը բախվել է երկաթե արգելապատնեշին և վերածվել մետաղե ջարդոնի:

Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:

Back to top button