Նորություններ

Գիտնականներին ապշեցրել է Լուսնի վրա հայտնված քարե սյունը

Անհայտ օբյեկտն անվանել են «մղոնանոց սյուն» (milestone)»։ Այն, ըստ ամենայնի, հողի մեջ բոլորովին վերջերս է խրվել։ Հակառակ դեպքում քարն արդեն մաշված կլիներ տիեզերական քամուց կամ Լուսնի վրա ընթացող այլ գործընթացներից։

Չինական «Չանյէ-4» լուսնագնացը Լուսնի մակերևույթին տարօրինակ առարկա է հայտնաբերել․ քարե սյուն՝ սուր եզրերով։

​Գիտնականների կարծիքով՝ այդ օբյեկտի ձևը վկայում է, որ այն բավականին երիտասարդ է։

​«Սակայն չի հաջողվել պարզել, թե անբնակելի Լուսնի վրա որտեղից է հայտնվել այդ քարը»,– գրում է Space.com–ը։ Ենթադրվում է, որ դա լեռնային հանքաքարի երիտասարդ հատված է, որը կարող է պոկված լինել ավելի խոշոր տիեզերական օբյեկտից, օրինակ՝ երկնաքարից։

Մասնագետները նախատեսում են խորհրդավոր օբյեկտն ուսումնասիրել ինֆրակարմիր սպեկտրաչափի օգնությամբ։

Այդ դեպքում կհաջողվի պարզել քարի բաղադրությունն ու ծագման բնույթը։

Back to top button