ՄիջազգայինՆորություններ

«Պուտինը շփումներ չունի ո՛չ Թրամփի, ո՛չ էլ Բայդենի հետ». Պեսկով

ՌԴ նախագահ Վլադիմիր Պուտինն առայժմ շփումներ չունի ո՛չ ԱՄՆ-ի հեռացող նախագահ Դոնալդ Թրամփի, ո՛չ էլ նորընտիր նախագահ Ջո Բայդենի հետ, հայտարարել է ՌԴ նախագահի մամուլի քարտուղար Դմիտրի Պեսկովը, փոխանցում է ria.ru-ն։

«Ո’չ, դեռ ոչ մի շփում նախատեսված չէ։ Ըստ էության, դրանք կարող են տեղի ունենալ, բայց առայժմ նախագահի օրակարգում սահմանված ինչ-որ շփումներ չկան»,- ասել է Պեսկովը՝ պատասխանելով այն հարցին, թե արդյոք Պուտինը մտադիր չէ հրաժեշտ տալ Թրամփին։

Անդրադառնալով Բայդենի նոր թիմի հետ Պուտինի շփման մասին հարցին, Պեսկովը պատասխանել է, որ Բայդենի հետ նույնպես շփումներ չկան։

«Միացյալ Նահանգներում զբաղված են իրենց ներքին խնդիրներով»,- հավելել է ՌԴ նախագահի մամուլի քարտուղարը:

Back to top button
Close