Նորություններ

Հայրենիքի փրկության շարժումը նախաձեռնել է մարզային այցեր․ Հունվարի 15-ին` Գյումրի

Վարչապետ Նիկոլ Փաշինյանի հրաժարականը պահանջող Հայրենիքի փրկության շարժումը նախաձեռնել է մարզային այցելություններ, հունվարի 15-ին շարժման ներկայացուցիչները Գյումրիում կլինեն։

«Հունվարի 15-ին Շարժման ներկայացուցիչներն այցելելու են Գյումրի, որտեղ ժամը 18:00-ին «Արագած» մարզամշակութային կենտրոնի դահլիճում տեղի կունենա հանդիպում Շարժման վարչապետի թեկնածու Վազգեն Մանուկյանի հետ»,- ասված է հայտարարության մեջ։

Նշվում է, որ հանդիպման մասնակիցները հնարավորություն կունենան իրենց հուզող հարցերը քննարկել Մանուկյանի հետ։

Նոյեմբերի 10-ի 44-օրյա պատերազմը դադրեցնելու եռակողմ համաձայնությունից հետո Հայաստանում ընդդիմադիրները պահանջում են վարչապետ Փաշինյանի հրաժարականը։ Ինքը՝ վարչապետն արդեն խոսել է արտահերթ ընտրությւոնների անցկացման անհրաժեշտությունից։

Back to top button
Close