Նորություններ

Խոշոր ավտովթար Լոռու մարզում. բախվել են Mercedes-ն ու ГАЗ 3110-ը. հարազատ քույրերը տեղափոխվել են հիվանդանոց

Ճանապարհային ոստիկանության 2-րդ սպայական գումարտակի 5-րդ վաշտի ավագ հետաքննիչ Ռոման Պետրոսյանի կողմից նյութեր են նախապատրաստվում դեկտեմբերի 9-ին Լոռու մարզում տեղի ունեցած ավտովթարի փաստով:

Ժամը 11:20-ի սահմաններում Սպիտակ-Գյումրի ավտոճանապարհի 5-րդ կմ հատվածում բախվել են Լոռու մարզի բնակիչ, 60-ամյա Ռոբերտ Գ.-ի վարած ГАЗ 3110 մակնիշի և Շիրակի մարզի բնակիչ, 57-ամյա Լիպարիտ Պ.-ի վարած Mercedes մակնիշի ավտոմեքենաները:

Ինչպես հայտնում է ֆոտոլրագրող Գագիկ Շամշյանը, վթարի հետևանքով Mercedes-ի ուղևորներ, 30-ամյա Լարիսա Պ.-ն և 29-ամյա Լիլիթ Պ.-ն մարմնական վնասվածքներով տեղափոխվել են Սպիտակի բժշկական կենտրոն:

Օպերատիվորեն դեպքի վայր են ժամանել ճանապարհային ոստիկանության 2-րդ սպայական գումարտակի 5-րդ վաշտի 1-ին դասակի ծառայողները՝ վաշտի հրամանատար Լյուդվիգ Ղանդիլյանի, դասակի հրամանատար Արման Սուքիասյանի գլխավորությամբ:

Ժամանել է նաև ոստիկանության Սպիտակի բաժնի օպերատիվ խումբը՝ բաժնի պետ Սերգո Ավետիսյանի գլխավորությամբ:

Գ. Շամշյանի տեղեկություններով՝ վիրավորները հարազատ քույրեր են:

Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:

Back to top button
Close