ՄիջազգայինՆորություններ

Քաղաքական ճգնաժամ Վրաստանում. Իշխանություններն ու ընդդիմությունը փորձում են համաձայնության գալ

Վրաստանի ընդդիմադիր կուսակցությունների առաջնորդները պատրաստ են իշխող «Վրացական երազանք, ժողովրդավար Վրաստան» կուսակցության ղեկավարների հետ անցկացնել բանակցությունների երրորդ փուլը, սակայն չեն պատրաստվում հրաժարվել գլխավոր պահանջից՝ արտահերթ խորհրդարանական ընտրությունների անցկացումից:

«Միասնական ազգային շարժում» կուսակցության անդամ Սալոմե Սամադաշվիլիի խոսքով, իրեն ընդհանրապես դուր չի գալիս բողոքի ձևաչափը, երբ ստիպված են բոյկոտել խորհրարանը, սակայն իշխանությունները դեռ այլ ելք չեն թողնում:

Ըստ «Եվրոպական Վրաստան» կուսակցության անդամ Էլեն Խոշթարիայի՝ տեղի ունեցողի համար պատասխանատու է գործող իշխանությունը:

Իշխանություններից կոնկրետ քայլեր է ակնկալում նաև «Միասնական Վրաստանի» առաջնորդ Նինո Բուրջանաձեն: «Մենք և մեր արևմտյան գործընկերները տրամաբանորեն սպասում ենք իշխանությունների գործողություններին և կոնկրետ առաջարկներին: Հակառակ դեպքում իմաստ չունի խոսել նույն բանի մասին. միայն այն ժամանակ, երբ առաջարկները հայտնվեն, տեղի կունենա բանակցությունների երրորդ փուլ»,-ասել է Բուրջանաձեն:

Ինչ վերաբերում է իշխանություններին, ապա նրանք նույնպես պատրաստ են բանակցություններ սկսելուն և գտնում են, որ արևմտյան գործընկերների աջակցությամբ երկիրը կարող է դուրս գալ քաղաքական ճգնաժամից, սակայն մտադիր չեն քննարկել արտահերթ ընտրությունների թեման:

regionmonitor.com

Back to top button
Close