«Երկուշաբթի օրը Զարթոնքի գյուղապետը կանի իր հայտարարությունը». Դավիթ Սանասարյան
Արդյո՞ք Զարթոնքի գյուղապետը կհայտարարի իր հրաժարականի մասին: ՀՀ ՊՎԾ ղեկավար Դավիթ Սանասարյանը պատասխանեց, որ գյուղապետն ինքը իր հայտարարությունը կանի. «Երկուշաբթի օրը կանի իր հայտարարությունը»: Մինչ այդ Սանասարյանը հորդորեց բողոքի ցույցի մասնակիցներին չդիմել կտրուկ քայլերի, եւ տուն գնալ:
Տեղեկացնենք նաեւ, որ Արմավիրի մարզի Զարթոնք գյուղի գյուղապետարանում կատարված ուսումնասիրությունների արդյունքում հայտնաբերվել են որոշակի խնդիրներ, կան առերևույթ հանցագործության մասին վկայող հանգամանքներ, որոնց վերաբերյալ տեղեկանք կուղարկվի ՀՀ Գլխավոր դատախազություն:
Ինչպես ավելի վաղ հրապարակել էինք, արդեն մի քանի ժամ է, լարված ու պայթյունավտանգ իրավիճակ է ստեղծվել Արմավիրի մարզի Զարթոնք գյուղում։ Գյուղի մեծ թվով բնակիչներ՝ ի նշան բողոքի, փակել են գնացքի ճանապարհը՝ նստելով ռելսերի վրա։
Գյուղացիների հեն հանդիպման է եկել ՀՀ ՎՊԾ ղեկավար Դավիթ Սանասարյանը: Բնակիչները ոգեւորված դիմավորել են Սանասարյանին եւ հետեւելով նրա հորդորներին բացել երկաթուղին:
