Նորություններ

Ավտովթար Երևանում. Tuareg-ը Հերացի փողոցում դուրս է եկել հանդիպակաց գոտի և բախվել Hyundai Elantra-ին. կա վիրավոր

Այսօր՝ սեպտեմբերի 28-ին, ավտովթար է տեղի ունեցել Երևանում։ Ժամը 12։10-ի սահմաններում Երևանի բնակիչ Սերգեյ Գևորգյանը իր վարած Volkswagen Tuareg մակնիշի 57 PV 777 համարանիշի ավտոմեքենայով Հերացի փողոցում դեռևս անհայտ հանգամանքներում դուրս է եկել ճանապարհի հանդիպակաց երթևեկելի գոտի և բախվել Երևանի բնակիչ Բաղդասար Ուռուսյանի վարած Hyundai Elantra մակնիշի 01 VV 047 համարանիշի ավտոմեքենային։

Ինչպես դեպքի վայրից հայտնում է ֆոտոլրագրող Գագիկ Շամշյանը, վթարի հետևանքով 1 հոգի բժշկական օգնություն ստանալու նպատակով տեղափոխվել է թիվ 1 համալսարանական հիվանդանոց։

Օպերատիվորեն դեպքի վայր են ժամանել Ճանապաւրհային ոստիկանության 1-ին սպայական գումարտակի 3-րդ դասակի ծառայողները՝ դասակի հրամանատար Վրույր Գաբրիելյյանի գլխավորությամբ։

Վթարի մասին Երևանի ՃՈ օպերատիվ կառավարման կենտրոնի պատասխանատոու հերթապահ Հակոբ Մաշչյանը տեղեկությունը փոխանցել է ՃՈ հետաքննչական բաժանմունք, որտեղից ժամանել է հերթապահ խումբը՝ բաժանմունքի պետ Խաչիկ Սամվելյանի, ավագ հետաքննիչ Գրիգոր Ավետիսյանի գլխավորությամբ։

Փաստի առթիվ Գ. Ավետիսյանի կողմից նյութեր են նախապատրաստվում։

Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:

Back to top button
Close