ՆորություններՍպորտ

Saint Louis Rapid & Blitz. Արոնյանն ու Հարիկրիշնան կիսում են առաջին հորիզոնականը

Երեկ՝ սեպտեմբերի 15-ին, մեկնարկել է արագ շախմատի 2020 Saint Louis Rapid & Blitz առցանց մրցաշարը:

Առաջին տուրում Հայաստանի հավաքականի առաջատարը առավելության է հասել իրանցի պատանի գրոսմայստեր Ալիրեզա Ֆիրուջայի նկատմամբ: Երկրորդ տուրում Արոնյանը սպիտակներով հաղթել է Ալեքսանդր Գրիշչուկին: Երրորդ տուրում մեր շախմատիստը միավորը կիսել է ռուս Յան Նեպոմնյաշչիի հետ:

3 տուրից հետո Արոնյանն ու Հարիկրիշնան ունեն 5-ական միավոր ու կիսում են առաջին հորիզոնականը: Այս 2 շախմատիստից զատ, մրցաշարին մասնակցում են նաև Մագնուս Կարլսենը, Յան Նեպոմնյաշչին, Ալեքսանդր Գրիշչուկը, Հիկարու Նակամուրան, Ուեսլի Սոն, Լենիեր Դոմինգեսը, Ջեֆրին Սյոն ու Ալիրեզա Ֆիրուջան:

Շախմատիստները կանցկացնեն արագ շախմատի 9 և կայծանկային շախմատի 18 տուր: Մրցաշարը կավարտվի սեպտեմբերի 19-ին։ Մրցանակային հիմնադրամը 250 հազար դոլար է:

armsport.am

Back to top button
Close