Բելառուսի ՆԳՆ-ն հաստատել է բողոքի ակցիայի ժամանակ կրակոցը
Բելառուսի ՆԳՆ-ն հաստատել է, որ ուժայիններից մեկը նախազգուշական կրակոց է արձակել պոմպային հրացանից օդ, երբ ցուցարարները փորձել են հետ խլռլ ձերբակալվածներին: Այս մասին գրում է ՏԱՍՍ-ը՝ վկայակոչելով գերատեսչության մամուլի քարտուղար Օլգա Չեմոդանովային:
«Համացանցում որոշ աղբյուրներ ժամը 18:00 — ի սահմաններում տեղեկատվություն են տարածել այն մասին, որ Մինսկում հնչել է կրակոցին նման ձայն», — գրել է նա՝ պարզաբանելով, որ ոստիկանության աշխատակիցները կրակել են քաղաքացիների անօրինական գործողությունները կանխելու համար:
Համապատասխան տեսանյութը հրապարակվել է ավելի վաղ «TUT.BY լուրեր»-ի Telegram-ալիքում։
ՆԳՆ-ի Մինսկի վարչությունում պնդում էին, որ բելառուս ուժայինները մասնակից չեն Դրոզդի գյուղի մոտ տեղի ունեցած կրակոցներին, որտեղ ցույցի ժամանակ ցուցարարներ են անցել:
Բելառուսում օգոստոսի 9-ից շարունակվում են զանգվածային բողոքի ակցիաները։ Դրանք սկսվել են նախագահական ընտրություններից հետո, որոնցում, ԿԸՀ-ի տվյալներով, Լուկաշենկոն հաղթել է՝ ստանալով ձայների 80 տոկոսը: Ցուցարարները պահանջում են երկրի ղեկավարության հրաժարականը, նոր եւ արդար նախագահական ընտրությունների անցկացում, բողոքի ակցիաներին մասնակցելու համար ձերբակալվածների ազատ արձակում եւ ցուցարարների դեմ բռնություն գործադրած ուժայինների պատժում:
