Նորություններ

Ավտովթար Լոռու մարզում․ բախվել են բեռնատար «Գազելն» ու 07-ը․ կա վիրավոր

Ճանապարհային ոստիկանության 2-րդ սպայական գումարտակի 5-րդ վաշտի ավագ հետաքննիչ Գևորգ Մելիքսեթյանի կողմից նյութեր են նախապատրաստվում սեպտեմբերի 5-ին Լոռու մարզում տեղի ունեցած ավտովթարի փաստով։

Ժամը 17։45-ի սահամններում Շնող-Թեղուտ ավտոճանապարհի 1-ին կմ-ին բախվել են Նոյեմբերյան քաղաքի բնակիչ 50-ամյա Արմեն Գիշյանի վարած «Գազել» մակնիշի և Շնող գյուղի բնակիչ 40-ամյա Արկադիկ Մելիքսեթյանի վարած «ԳԱԶ 2107» մակնիշի վատոմեքենաները։

Ինչպես հայտնում է ֆոտոլրագրող Գագիկ Շամշյանը, վթարի հետևանքով՝ վարորդներից Ա․ Մելիքսեթյանը մարմնական վնասվածքներով տեղափոխվել է «Ալավերդի» բժշկական կենտրոն։

Դեպքի վայր են ժամանել ՃՈ 2-րդ սպայական գումարտակի 5-րդ վաշտի 2-րդ դասակի ծառայողները՝ վաշտի հրամանատար Լյուդվիգ Ղանդիլյանի գլխավորությամբ։

Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:

Back to top button
Close