Ռուսաստանյան Սու-27-ը Սեւ ծովի վրա «որսացել» է ամերիկյան հետախուզական ինքնաթիռը
Ռուսաստանյան Սու-27 կործանիչն օդ է բարձրացվել Սեւ ծովի վրա՝ ամերիկյան RC-135 հետախուզական ինքնաթիռը «որսալու» համար, հայտնում են ՌԴ Պաշտպանության ազգային պաշտպանության կենտրոնից:
Ինչպես նշել են զինվորականները, չեզոք ջրերի վերահսկողության միջոցներով հայտնաբերվել է Ռուսաստանի սահմանին մոտեցող օդային թիրախ:
«Օդային թիրախը հայտնաբերելու և Ռուսաստանի Դաշնության պետական սահմանի խախտումը կանխելու համար օդ բարձրացվեց Հարավային ռազմական օկրուգի ՀՕՊ ուժերի Սու-27 կործանիչը: Ռուսաստանյան կործանիչի անձնակազմը մոտեցավ օդային օբյեկտին անվտանգ հեռավորության վրա և նույնականացրեց ամերիկյան ռազմավարական հետախուզական ինքնաթիռը», -հայտնել են կենտրոնից՝ շեշտելով, որ սահմանի խախտում տեղի չի ունեցել:
Նշվում է, որ ռուսաստանյան կործանիչի ամբողջ թռիչքը տեղի է ունեցել օդային տարածքի օգտագործման միջազգային կանոններին համապատասխան: Ամերիկյան ինքնաթիռը Ռուսաստանի սահմանից հետ է դարձել եւ Սու-27-ը անվտանգ վերադարձել է օդանավակայան:
Աղբյուր՝ ՏԱՍՍ
