ՆորություններՍպորտ

«Սպարտակը» դուրս է գալիս առաջնությունից․ այս կրկեսին ես մասնակցել չեմ ուզում. Ֆեդուն

«Սպարտակի» սեփականատեր Լեոնիդ Ֆեդունը մեկնաբանել է ՌՊԼ-ի մեկնարկային տուրում «Սոչիի» հետ ոչ-ոքին (2-2):

Հանդիպման ընթացքում մրցավար Վասիլիյ Կազարցևը «Սպարտակի» դարպասին երկու 11-մետրանոց է նշանակել, որոնցից մեկը 90-րդ րոպեին, ինչից հետո «Սոչին» հավասարեցրել է հաշիվը։

«Ինձ պետք չէ աջակցել։ Ես վաղը կհայտարարեմ, որ «Սպարտակը» դուրս է գալիս առաջնությունից։ Թող խաղան առանց մեզ»,-ասել է Ֆեդունը։

Լրագրողի հարցին, թե արդյո՞ք Ֆեդունը լուրջ է խոսում, «Սպարտակի» սեփականատերն արձագանքել է․

«Այո՛, կարող եք հենց այդպես գրել։ Այս կրկեսում ես մասնակցել չեմ ուզում ու գումարներ ծախսել ևս։ «Սպարտակը» պետք չէ, նշանակում է՝ պետք չէ»,- Ֆեդունի խոսքն է մեջբերում «Спорт-Экспресс»–ը։

Back to top button
Close