Նորություններ

Դուք էլ մեզ օգնեք. «Գրիգոր Լուսավորիչ» հիվանդանոցի բուժանձնակազմը միայն մեկ խնդրանք ունի

Կորոնավիրուսի դեմ պայքարող բուժաշխատողները հավատարիմ են իրենց երդմանը, չեն դժգոհում ու պայքարում են կորոնավիրուսի դեմ, բայց հիմա նրանք էլ օգնության կարիք ունեն։

Երկարատև անքուն գիշերներ ու ծանրաբեռնված աշխատանք՝ ընտանիքից ու հարազատներից հեռու, ապա 14-օրյա կարանտին ու կրկին վերադարձ աշխատանքի: Ավելի քան 18 օր է` Երևանի «Գրիգոր Լուսավորիչ» հիվանդանոցի անձնակազմի աշխատանքային գրաֆիկը նույնն է:

«Գրիգոր Լուսավորիչն» ապրիլի 2-ից ամբողջովին գործում է որպես կորոնավիրուսի դեմ պայքարի հիվանդանոց: Բուժկենտրոնում աշխատող ռենտգեն–լաբորանտ Սիլվա Շահինյանը, որն այժմ կարանտինում է, Sputnik Արմենիային ասաց, որ դժվարություններն ավելի շատ հոգեբանական են՝ հիվանդների չնվազող թիվ, արձանագրվող մահեր, բայց նաև յուրաքանչյուր բուժված ու հիվանդանոցից դուրս գրված հիվանդի հետ հույս ու ժպիտ: Սիլվան ինքը արդեն 17 օր է` հարազատների հետ միայն հեռախոսով է շփվում, նրանց վստահեցնում, որ իրենց մոտ ամեն ինչ նորմալ է:

«Մենք լավ ենք, մեզ համար անհանգստանալու կարիք չկա: Ոչ մի բանի կարիք չունենք: Տրամադրությունը նորմալ է, փորձում ենք դրական տրամադրությունը պահել՝ հուսալով, որ շուտով ամեն ինչ նորմալ հունի մեջ կընկնի: Փորձում ենք չընկճվել ու մեր դրական տրամադրությունը նաև հիվանդներին փոխանցել,- ասում է Սիլվան, որը չի պատրաստվում տուն գնալ, քանի դեռ կորոնովիրուսի դեմ պայքարը չի ավարտվել։ – 15 օր աշխատել եմ, հիմա 14 օր կարանտինի մեջ եմ, որից հետո` էլի աշխատանքի: Սուտ է, որ ասեմ, թե հարազատներին չենք կարոտում, բայց այս պահին պետք է այսպես աշխատենք՝ մենք ենք ընտրել մեր մասնագիտությունը ու հետևում ենք Հիպոկրատի երդմանը։ Սա պատերազմ է վարակի դեմ, մենք էլ առաջնագծում ենք»։

Рентген-лаборант медцентра Григор Лусаворич (Гюмри) Сильва Шаинян с коллегами

30-ամյա լաբորանտի խոսքով` փորձում են այնպես անել, որ աշխատանքային օրը հնարավորինս առանց ցնցումների ու թեթև անցնի: Միակ բանը, որ փոխվել է այս ընթացքում, կրկնակի զգուշությունն է:

«Իմանալով, որ աշխատում ենք միայն վարակվածների հետ, ավելի զգույշ ենք, հատուկ պաշտպանիչ հագուստներով ու վահաններով, մնացած մասով նույն աշխատանքն է, որ մինչ այս իրականացրել ենք»,– ասում է նա:

Рентген-лаборант медцентра Григор Лусаворич (Гюмри) Сильва Шаинян

Սիլվան ու իր գործընկերները միայն մեկ խնդրանք ունեն մարդկանց. «Մնացեք տանը և զգույշ եղեք, որ ամեն ինչ լավ լինի, մենք էլ տուն գնանք: Մենք օգնում ենք հիվանդներին, դուք էլ մեզ օգնենք»:

Рентген-лаборант медцентра Григор Лусаворич (Гюмри) Сильва Шаинян

Հիշեցնենք` ապրիլի 22- տվյալներով` Հայաստանում կորոնավիրուսով վարակվածների թիվը հասել է 1473-ի, առողջացել է 633 մարդ, բուժվում են 816–ը։ Մահվան դեպքերը 24–ն են։

Back to top button