ՄիջազգայինՆորություններ

Թուրքիայում կորոնավիրուսից մահացածների թիվն անցել է 800-ից

Թուրքիայում ապրիլի 8-ի դրությամբ նոր տեսակի կորոնավիրուսից (Covid-19) մահացել է ևս 87 մարդ։ Այս մասին Twitter միկրոբլոգի իր պաշտոնական էջում հայտնել է Թուրքիայի առողջապահության նախարար Ֆահրեթթին Քոջան։

Նախարարը գրառման մեջ նշել է, որ 24 ժամվա ընթացքում իրականացված շուրջ 24․900 թեստերի արդյունքում հաստատվել է կորոնավիրուսով վարակվելու 4․117 նոր դեպք։ Նույն ժամանակահատվածում գրանցվել է վարակակիրների մահվան 87 դեպք, ապաքինվել է ևս 264 մարդ։

Ընդհանուր առմամբ Թուրքիայում համավարակից ապաքինվել է 1․846 հիվանդ։ 1․492 հիվանդ գտնվում է վերակենդանացման բաժանմունքում։

Այսպիսով, ըստ վերջին տվյալների, Թուրքիայում արձանագրվել է կորոնավիրուսով վարակվելու 38․226 հաստատված դեպք և մահվան 812 դեպք։ Ընդհանուր առմամբ կատարվել է 247․768 թեստավորում։

Քոջան նաև հաղորդել է, որ Թուրքիայում համավարակի հաղթահարումը մեծապես պայմանավորված է մեկուսացումով։ Եվ կրկին կոչ է արել քաղաքացիներին մնալ տանը։

Աղբյուր`    Ermenihaber.am
facebook sharing button
twitter sharing button
pinterest sharing button
email sharing button
Back to top button
Close