«Ադրբեջանում իրավիճակը դուրս է գալիս վերահսկողությունից, ամենուրեք բողոքի ակցիաներ են, կան ձերբակալվածներ»
Թուրքագետ, քրդագետ Կարեն Հովհաննիսյանը սոցցանցի իր էջում գրել է.
«Ադրբեջանում գնալով ավելի է խորանում ճգնաժամը: Այսօր որոշում է կայացվել կառուցել 6 մոդուլային տիպի հիվանդանոց՝ 200-ական մահճակալով: Սոցցանցերի ադրբեջանական տիրույթում ակտիվ շրջանառվում են տնային պայմաններում ծանր վիճակում գտնվող կորոնավիրուսով հիվանդների նկարները:
Առաջանային անհրաժեշտության պարենը թանկացել է, որի մասին ևս բարձրաձայնում են քաղաքացիները: Կարանտինի խախտման պատճառով արդեն կան բազմաթիվ ձերբակալվածներ:
Ի դեպ, ընդդիմությունը պնդում է, որ այդ ձերբակալվածներն այն մարդիկ են, ովքեր դուրս են եկել բողոքի ակցիաների մասնակցելու, քանի որ անտեսված են պետության կողմից:
Կարող եմ փաստել, որ առավոտվա համեմատ, այժմ Ադրբեջանում բավականին սրված իրավիճակ է:
Իրավիճակը դուրս է գալիս վերահսկողությունից, սակայն, լավ իմանալով այդ երկրի ռազմաքաղաքական ղեկավարությանը, կարծում եմ, որ կդիմեն բիրտ միջոցների: Գրեթե բոլոր խոշոր քաղաքային բնակավայրերում բողոքի ակցիաներ են: Բողոքում են մեկուսացման մեջ գտնվողները, որոնց 14 օրը լրացել է, սակայն ոչ թեստավորում են, ոչ էլ թույլ են տալիս գնալ իրենց տները:
Քաղաքացիները բողոքում են նաեւ 15-օրյա կարանտինից, որի ժամանակ առևտուր, սպասարկում չեն կարողանում իրականացնել, իսկ պետությունն էլ ոչ մի բանով չի աջակցում իրենց»:
