ՆորություններՏնտեսականՔո ձայնը

Աշխատանքների ցանկը, որոնցով զբաղվելը որևէ կերպ չի ազդում նպաստ ստանալու իրավունքի վրա

ՀՀ աշխատանքի և սոցիալական հարցերի նախարար Զարուհի Բաթոյանը ֆեյսբուքյան իր էջում գրել է.

«Անընդհատ կարծիք էինք լսում, որ գործատուները ժամանակավոր աշխատանքի համար չեն կարողանում մարդկանց ընդգրկել այս կամ այն ոլորտում, հատկապես անտառապահության, ճանապարհաշինության, մթերման աշխատանքներում, քանի որ մարդիկ վախենում են զրկվել նպաստի իրավունքից: Դեռևս 2005 թվականին սահմանված այդ աշխատանքների ամբողջ ցանկի համար կառավարությունը տվեց արտոնություն: Այժմ մարդիկ կարող են աշխատել, գրանցելով աշխատանքը և չզրկվելով նպաստի հնարավորությունից, եթե ունեն դրա կարիքը:

Վերջերս կառավարության որոշմամբ սեզոնային բոլոր տեսակի աշխատանքով զբաղվողներին տրվեց արտոնություն. այն է՝ նշված աշխատանքով զբաղվելը որևէ կերպ չի ազդում նպաստի իրավունքի վրա։

Աշխատանքների ցանկը՝ ստորև.

  1. Շահագործման մեջ գտնվող երթուղային գծերի, մերձատար և կայարանային ուղիների ձնամաքրման աշխատանքներ.
    2. Ճանապարհների կառուցման հողային և ասֆալտապատման աշխատանքներ.
    3. Էլեկտրական կայանի կառուցման և կապիտալ վերանորոգման աշխատանքներ`
    ա) քաղաքային հեռախոսային ցանցերն օդայինից ստորերկրյա մալուխային գծերի վերակառուցում, բետոնային կոյուղու մեջ դրա հետ կապված բետոնե իրերի պատրաստում,
    բ) ստորերկրյա և ստորջրյա զրահապատ մալուխների անցկացում,
    գ) օդային սյունային և կանգնած քաղաքային հեռախոսացանցերի և միջքաղաքային հեռագրական-հեռախոսային գծերի կառուցում,
    դ) սյուների քիմիական հագեցում, որը կատարվում է բաց օդում.
    4. Անտառային տնտեսության և ծառայությունների մատուցման աշխատանքներ` տնկիների տնկում, անտառի վերականգնում, անտառամթերքների հավաքում.
    5. Ձկնորսական և լճային կենդանիների որսի աշխատանքներ և դրանց հետ կապված` ձկների և լճային կենդանիների որսի այլ արտադրանքների մշակման աշխատանքներ.
    6. Աշխատանքները շաքարի գործարաններում, որոնք անմիջականորեն կապված են ճակնդեղից շաքարավազ պատրաստելու հետ, ճակնդեղաչորանոցներում ճակնդեղի չորացման աշխատանքներ, քուսպաչորացման աշխատանքներ, որոնք կատարվում են շաքարավազի գործարաններում` շաքարի արտադրության ժամանակաշրջանում.
    7. Պտուղների և բանջարեղենի թթվեցման, պահածոյացման ու լցման աշխատանքներ.
    8. Գյուղատնտեսական աշխատանքներ` ներառյալ`
    ա) նախացանքային աշխատանքները,
    բ) գարնան գյուղատնտեսական աշխատանքները,
    գ) բերքահավաքի աշխատանքները,
    դ) հետբերքահավաքի աշխատանքները,
    ե) գյուղատնտեսական կենդանիների ծնի կազմակերպումը,
    զ) մատղաշի կերակրումը և խնամքը` մինչև 4 ամսական հասակը ներառյալ,
    է) գյուղատնտեսական կենդանիների արոտային պահվածքը,
    ը) խուզի կազմակերպումը.
    9. Տորֆային աշխատանքներ`ներառյալ տորֆի արդյունահանումը, չորացումն ու հավաքումը, բացի մեքենայացված ագրեգատների և ուժային սարքավորումների վրա (հիդրոտորֆ, ֆրեզերային և մեքենայական կաղապարման արդյունահանություն, աշխատանք կաղապարող թրթուրների վրա և այլն) կատարվող աշխատանքներից, որոնք կատարում են մշտական հանքերում գտնվող բանվորները.
    10. Գետային ու լճային հետախուզական աշխատանքներ.
    11. Ջրաբաշխման և մելիորատիվ աշխատանքներ, չորացման և ոռոգման աշխատանքներ.
    12. Յոդի արդյունաբերության մեջ` լճային ջրիմուռներ հանելու և այրելու բոլոր աշխատանքները և դրանց հետ կապված աշխատանքներ.
    13. Հողերի աղազերծման և վերականգնման աշխատանքներ.
    14. Կանաչ գոտու խնամողների (այգեպաններ) աշխատանքներ.
    15. Պետական արգելոցների հրշեջ-տեսուչների աշխատանքներ.
    16. Ճարտարագիտահետախուզական աշխատանքներ (տեղագրության տոպոգրաֆ) բանվորներ, հորատող հաստոցների բանվորներ).
    17. Սննդի բացօթյա օբյեկտներում աշխատանքներ.
    18. Ձմեռային զվարճանքների հետ կապված սպասարկման աշխատանքներ և ծառայություններ.
    19. Բացօթյա լողավազանների շահագործման հետ կապված սպասարկման աշխատանքներ.
    20. Բոնիֆիկատորի աշխատանք (մալարիայի կանխման միջոցառումներ իրականացնող աշխատողներ)։

Գրանցեք սեզոնային աշխատանքը, եղեք ավելի պաշտպանված աշխատանքային իրավունքների տեսանկյունից, կուտակեք աշխատանքային ստաժը՝ ձեռք բերելով աշխատանքային կենսաթոշակի իրավունք»։

 

Ավելին
Back to top button
Close